1-قاليك هادا واحد دخل سوق راسو او هو يتجلا .
2-هادي حادتة واقعية :واحد الدري دخل للقسم لابس صندالة {مشاية} قال ليه الاستاد علاش لابس مشاية ؟ جاوبو الدري "ماشي انا ا استاد ".
3-واحد الدحش {حاشاكوم} مشا كايجري لعند مو قال ليها امي امي راني وليت حمار....قالت ليه مالك كنتي مهتدس ؟؟
4-هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟ .....جاوبو صاحبو: وعلاش نجري؟ مالي أنا اللي ضربتو؟
5-واحد مشى عند صاحبو للمدينة ودار ليه صاحبو الفريت ومايونيز. قال ليه: بطاطا واخا، ولكن الزبدة علاش؟
6-واحد السبع كلا مرا شارفة وعجباتو... لحقاش مكرملة
7-هادا واحد كيقعل بزاف، تلاقى مع واحد صاحبو، سولو صاحبو: باش تغديتي؟ قال ليه: بالحوت. ومن بعد عام، تلاقى بهاداك صاحبو نيت وهو يسولو: وا كي داير؟ جاوبو: مقلي
8-واحد ديما مقلق تزوج بوحدة ديما مقلقة و عصبية بحالو. النهار اللي جا الطبيب يولد مراتو خرج الولد تيقول للطبيب: سير بحالك ... بعّد مني ... هاني غنخرج ... وافوتني
9-هادا واحد مكلخ سول صاحبو قال ليه: علاش الورق ديال الشجر كيسقط ف الخريف؟
رد عليه صاحبو قال ليه: حيت ما قرا والو ف الصيف
10-واحد مبوق حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها
11-هادا واحد مشى للفرماسيان وقال ليهم: بغيت الحليب ديال الدراري الصغار
قال ليه مول الفرماسيان: أشنو سميتو؟
قال ليه: مروان
12-معكاز شرى ليه باه محل ديال دجاج باش يجمع راسو. جات عندو واحدة قالت ليه أرا ليا شي دجاجة فيها جوج كيلو. الدري مكسل، شاف ف الدجاج وقال: يالله اللي فيها جوج كيلو تنوض
13-هادو رباعة ديال المكلخين صنعوا طوبيس كيمشي بالعرض باش كلهم يركبو القدام
موضوع: اخر النكت \المغربية\ نكت ديال 4 د صباح 
الإثنين سبتمبر 14, 2009 5:55 am
